Saturday, April 28, 2007

ڕاگه‌یاندنی کۆمه‌ڵه‌ به‌ بۆنه‌ی پیشوازی کردن له‌ ئه‌وه‌ڵی مانگی مه‌ی ڕۆژی جیهانی کرێکاران‌


کۆماری ئیسلامی به‌ پشت به‌ستن به‌ سیستمی سه‌رکوتگه‌ری خۆی و به‌ دانانی هه‌ستیارترین لقه‌کانی، له‌ ناو کرێکاراندا و به‌ سه‌رکوتکردنی هه‌ر چه‌شنه‌ جووڵه‌یه‌ک که‌ خواستی سیاسی و پیشه‌یی له‌گه‌لڕ بێت یان رێگا خۆشکه‌ر بێت بۆ سازدانی رێکخراوی سه‌ربه‌خۆ، هه‌روه‌ها به‌ داسه‌پاندی نامرۆڤانه‌ترین هه‌لوومه‌رجی ژیانء به‌ هه‌ژار هێشتنه‌وه‌ىکرێکاران به‌و شێوه‌یه‌ی ئێستا که‌ له‌ ژێر هێڵی هه‌ژاریدا ده‌ژین‌و هه‌وڵی ئه‌وه‌یه‌ غورووری هێزی کار و به‌رهه‌مهێنه‌ری کۆمه‌ڵگا، ئه‌م شارۆمه‌نده‌ زه‌حمه‌تکێشانه‌ تێک بشکێنێ بۆ ئه‌وه‌ی بتوانى درێژه‌ بدات به‌م هه‌ل و مه‌رجه‌ کویله‌ئاسایه‌ی به‌ سه‌ر کرێکاراندا داسه‌پاوه‌.

نابه‌رپرسایه‌تی له‌ به‌شی ئابووریدا له‌ ژێر ناوى درووشمه‌ ره‌نگین و بێناوه‌ڕۆکه‌کانی ده‌وڵه‌تی ئه‌حمه‌دی نژاد و ئه‌نجامه‌ مه‌رگهێنه‌ره‌که‌ی راسته‌وخۆ قورسایه‌که‌ی ده‌که‌وێته‌ سه‌ر شانی کرێکاران و چینی بێبه‌شی کۆمه‌ڵگا. "رانت خۆری" سه‌ره‌کیترین شکڵی چالاکی به‌رهه‌مهێنانی چینی سه‌رمایه‌داره‌ و ئه‌و قه‌یرانه‌ی لێی که‌وتۆته‌وه‌، پیشه‌سازی سوننه‌تێیه‌کانى ئێرانیشی تووشی شکست هێناوه‌ و ده‌رئه‌نجامه‌کانی ئه‌مه‌ش خۆی له‌ شکڵی دره‌کردنی یه‌ک له‌ دوای یه‌کی کرێکاره‌کان‌دا بینیوه‌ته‌وه‌ و له‌ راستیدا چۆکی به‌و چینه‌ داداوه‌. ده‌رکردنی کرێکارانی ره‌سمی و هێنانی کرێکاری گرێبه‌ست له‌ فێڵه‌ باوه‌کانی خاوه‌ن کاره‌کانه‌ بۆ پێشێل کردنی مافی کرێکاران. مۆته‌که‌ی بێکاری کرێکارانی به‌ داهاتووى خۆیان بێ‌هیوا کردووه‌ و هه‌ر ئه‌و ژیانه‌ هه‌ژاره‌شى لێ تاڵتر کردون. له‌م دۆزه‌خه‌دا که‌ کۆماری ئیسلامی بۆ خه‌ڵکی ئێرانی خولقاندووه‌، به‌ له‌ به‌ر گرتنى سیاسه‌تی ململانێ کردن له‌ گه‌لڕ رۆژئاوا به‌ پێداگری کردن بۆ به‌رهه‌مهێنانی ته‌کنۆلۆژیای ناوه‌کی و پیتاندنی یۆرانیۆم بۆ گه‌یشتن به‌ چه‌کی ئه‌تۆمی، بۆته‌ هۆی ئه‌وه‌ی کۆماری ئیسلامی گه‌مارۆی ئابووری بدرێت و ئه‌مه‌ش خۆی لێدانێکی کوشه‌نده‌یه‌ بۆ دۆخی ژیانی چینه‌ بێبه‌شه‌کانی کۆمه‌ڵگای ئێران وده‌بێ‌ته‌ هۆی بێئاسۆ بوونیان. هه‌وڵی کۆماری ئیسلامی ئه‌وه‌یه‌ سیاسه‌تی ده‌ستڕاگه‌یشتن به‌ ته‌کنۆلۆژیای ناوه‌کی وه‌ک غروور و سه‌ربڵندی نه‌ته‌وه‌یی ناوزه‌د بکات که‌ ئه‌مه‌ بۆته‌ هۆی شه‌پۆلێکی تووڕه‌یی له‌ ناو خه‌ڵکی ئێراندا دژ به‌م رژیمه‌.

به‌ نیسبه‌ت کرێکارانی کوردستانیش جگه‌ له‌ هه‌موو ئه‌و گوشارانه‌ی له‌ سه‌ر کرێکارانی ئێران هه‌یه‌، له‌ گه‌ڵ سیاسه‌تى هه‌ڵاواردن دژ به‌ کرێکاران‌و خه‌ڵکى کوردستان رووبه‌رووین که‌ واى کردوه‌ هیچ پرۆژه‌یه‌کى بنیاتنه‌رانه‌ له‌ کوردستان دانه‌مه‌زرێ‌و هه‌ر ئه‌مه‌ ده‌بێ به‌ هۆى ئه‌وه‌ کۆچکردنى درێژماوه‌ له‌ سالڕدا بۆ شوێنه‌کانى ترى ئێران و دوور بون له‌ خێزان، په‌ڕینه‌وه‌ى نایاسایی له‌ سنوره‌کان وه‌ک کارێکى مه‌ترسیدار و سه‌رقالڕ بوون به‌ ئیشى کۆڵبه‌رییه‌وه، ببێته‌ یه‌کێک له‌ سه‌ره‌کیترین سه‌رچاوه‌کانى داهات بۆ دابین کردنى بژیوى بنه‌ماڵه‌. یه‌کیه‌تی برایانه‌ له‌گه‌لڕ سه‌رجه‌م کرێکارنی ئێراندا بۆ خه‌بات بۆ گه‌یشتن به‌ ژیانی باشتری چینه‌ چه‌وساوه‌کانی کۆمه‌ڵگا په‌یامی سه‌ره‌کی کرێکارانی کوردستانه‌ که‌ خۆی ساڵانێکه‌ له‌ سه‌خت ترین ساته‌کانی خه‌باتی سیاسی دا به‌ ئه‌زموونه‌کانی خۆیان له‌ ژێر ئاڵای سووری کۆمه‌ڵه‌دا په‌ریان داوه‌. به‌ پێچه‌وانه‌وه‌ چینه‌ باڵاده‌ست و حاکمه‌کانی ئێران ساڵانێکه‌ هه‌وڵیان داوه‌ به‌ لێلڕ کردنی ئه‌م خه‌باته‌ له‌ ژێر په‌چه‌ی ناسیۆنالیزم و شوێنیزمی نه‌ته‌وه‌ی باڵا ده‌ستدا بنیاته‌کانی ئه‌م یه‌کیه‌تیه‌ برایانه‌ سست بکه‌نه‌وه‌. په‌یامی یه‌کیه‌تی کرێکارانی شرکه‌تی ئوتووبووسڕانی تاران بۆ پشتیوانی له‌ چالاکانی کرێکارانی کوردستان خۆی وڵامێکی تووند بوو به‌ پڕوپاگه‌نده‌ی پڕوپووچی کۆماری ئیسلامی.

کرێکارانی ئێران له‌ ساڵی رابردوودا کۆمه‌ڵێک ئه‌زموونی زێڕینیان له‌ خه‌باتی چینایه‌تی خۆیان تێپه‌ڕاند. ئه‌وان به‌ ئه‌زموون کردنی خه‌بات بۆ دسته‌به‌ر کردنی مافه‌ ئینسانیه‌کانیان، به‌رنگاری و وه‌ستانه‌وه‌ دژ به‌ سه‌رکوتگه‌رى کۆماری ئیسلامی، راگه‌یاندنی ده‌نگی ماف خوازانه‌ی خۆیان به‌ هه‌موو جیهان و نه‌ته‌وه‌کانی ئێران، رێکخستنی سه‌رکردایه‌تی و کارگێرییه‌کی روون و ئاگادار و وشیار به‌ نیسبه‌ت مافى ئینسانی و پیشه‌ییه‌کانی خۆیان و به‌ کۆمه‌لێک ده‌سکه‌وتی دیکه‌وه‌ به‌ره‌و پیری رۆژی کرێکار ده‌ڕۆن. ئه‌گه‌ر چی تا ئێسته‌ش ناکرێت باس له‌ بزووتنه‌وه‌یه‌کی کرێکای به‌ هێز بکه‌ین، بزووتنه‌وه‌یه‌ک له‌ خواسته‌ پیشه‌یه‌کانی خۆیی تیپه‌ڕابێت و هه‌موو کرێکانی له‌ ناوچه‌ جیاجیاکانی ئێران له‌ ده‌ور خۆی کۆ کردبێته‌وه‌ و داوکارییه‌ سیاسی و پیشه‌ییه‌کانی خۆشی و داوکاری هه‌موو زه‌حمه‌تکێشان و چینه‌ چه‌وساوه‌کانی ئێرانی خستبێته‌ ژێر چه‌تری خۆیه‌وه‌، به‌ڵام هێما و نیشانه‌کانی گه‌یشتن به‌م ئامانجه‌ له‌ بارودۆخی ئێسته‌ی ئێراندا روونتر و هیوابه‌خش تر له‌ هه‌ر کاتێکی تره‌.

که‌وتنه‌ جووڵانه‌وه‌ و به‌ خۆدا چوونه‌وه‌ی هێزی کرێکاران بۆ ده‌سته‌به‌ر کردنی کۆمه‌ڵگه‌یه‌کی دیمۆکراتیک و بونیادنانی کۆمه‌ڵگه‌یه‌کی دادپه‌روه‌رانه‌ و هه‌نگاو نان به‌ره‌و رێگه‌ خۆشکردن بۆ ده‌سته‌به‌ر کردنى عه‌داله‌تى کۆمه‌ڵایه‌تى و سۆسیالیزم، مه‌رجی سه‌ره‌کی پێکاندنی ئامانجه‌کانه‌. له‌م نێوه‌شدا هێزه‌ پێشکه‌وتن خواز و سۆسیالیسته‌کانی ئێران ئه‌رکێکی مێژوویی و قورسیان له‌ ئه‌ستۆیه‌. کۆمه‌ڵه‌ هاوکاتی پیرۆزبایی کردنی ئه‌م روژه‌ له‌ هه‌موو کرێکارانی ئێران و به‌ تایبه‌ت له‌ هاوخه‌باتانی کرێکارى خۆی له‌ کوردستان، پشتیوانی هه‌مه‌لایه‌نه‌ی خۆی بۆ به‌دیهێنانی به‌ره‌یه‌کی یه‌کگرتوو له‌ نێوان هێزه‌ پێشکه‌وتنخوازه‌کان و لایه‌نگرانی سۆسیالیزم راده‌گه‌یێنآ و جارێکی تر به‌ هه‌موو شێوه‌یه‌ک خۆی ته‌یار ده‌کاته‌وه‌ بۆ نه‌هێشتنی سته‌می چینایه‌تی.

بژى سۆسیالیزم

مه‌رگ ‌و نه‌مان بۆ کۆمارى ئیسلامى

کۆمه‌ڵه‌ى شۆڕشگێڕى زه‌حمه‌تکێشانى کوردستانى ئێران

2007‏/04‏/28

1386/02/08

No comments: